Il luvratori «SUTGAS E BAUNS» arva gleiti sias portas.
Naven da gievgia ils 25 d’avrel tochen mesjamna ils 8 da matg 2024 allas 12:00 uras ei la sala dalla casa da scola da Cumpadials nies luvratori.
Ti sas luvrar en gruppa** ni individualmein vid tia/s sutga/s.
**Fai saver sur Whatsapp sche ti vas a zambergiar. Forsa ha tia vischina era peda. Communablamein dapli ideas ed inspiraziuns. Tscha curascha !
Il luvratori «SUTGAS E BAUNS » ei adina aviarts, pia per lodolas dalla damaun ni tschuettas dalla notg.
La clav ei tier Brida Fry en saffa da brevs : prender e deponer puspei
Ti anflas el luvratori colurs, cola caulda, cola da pèschs, aissas, rolla da cabel, chavrets da cabel, empau fildirom, tratsch da fluras, te e cafe…….
Mo per decorar rodund 50 sutgas drova ei schon empau material da tuttas uisas. En cass che ti has aunc teila, launa, cordas, fildirom, fluras artificialas, legos, curals ni tgei era adina a casa, lu pren quei material cun tei a Cumpadials ni s’annunzia nunschenadamein, lu vegnin bugen sperasvi per tiu uorden.
Ussa resta ei a nus dalla suprastonza da giavischar a vus tuttas slontsch, creativitad, buns raschienis e legras, inspirontas uras el luvratori sin temps : «SUTGAS E BAUNS DECORESCHAN NIES VITG»
Secapescha ch’era umens, amitgs ni collegas ein cordialmein beinvegni !
Per nies project « Steis empau? Sutgas e bauns embelleschan nies vitg» encurin nus aunc:
Sutgas ni bauns che nus astgein decorar, modellar entuorn ni embellir?
Material da tuttas uisas: teilas, colurs, stapuns da vin, cordas, nuvs eav.
Havesses ti forsa enzatgei en tiu tschaler ni si surcombras? Lu s’annunzia bugen.
Ils 25-4-24 arva «Il luvratori la sutga» a Cumpadials sias portas.
Am 25. April öffnet die Werkstatt «Il luvratori la Sutga» in Cumpadials ihre Türen. Unser Projekt «Stühle und Bänke schmücken unser Dorf» kann beginnen.
Hast du vielleicht noch einen alten Stuhl im Keller oder liegt noch Dekomaterial ungenutzt bei dir auf dem Estrich? Dann melde dich gerne. Wir freuen uns deinen Stuhl zu dekorieren, bemalen oder neu zu gestalten.
