La sera d'advent 2023 s'auda gia tier il vargau. Ier sera han nos affons dil vitg ed uclauns schau splendurar il plaz Cadruvi en ina mar da glischs. Cun lur latiarnas zambergiadas sez ein els vegnir da vitg en entochen avon baselgia per envidar il temps festiv d’advent. Cun ina biala canzun han els era procurau per ina atmosfera festiva.
Il pigniel da Nadal resplenda uonn buca mo cun las candeilas, mobein era cun las decoraziuns creada dils affons. Mintg’affon ha astgau zambergiar sia atgna rucla.
Ensemen cun SumvitgViva engraziein era nus a tuts visitaders, a tut quels che han gidau ier sera ed han fatg procurau che quei ei in eveniment nunemblideivel.
Nus giavischein a vus uss in bi temps d’advent e bialas fiastas da Nadal.
